Unbearable lightning pains from the beginning of the fall || ଖରା ଆରମ୍ଭରୁ ଅସହ୍ୟ ବିଜୁଳି ଯନ୍ତ୍ରଣା

 

ଖରା ଆରମ୍ଭରୁ ଅସହ୍ୟ ବିଜୁଳି ଯନ୍ତ୍ରଣା । କେଉଁଠି ପାୱାର କଟ୍ ତ ଆଉ କେଉଁଠି ଲୋ ଭୋଲଟେଜ୍ ସମସ୍ୟା । ଫ୍ୟାନ, ଫ୍ରିଜ୍, ପାଣି ମଟର କିଛି କାମ କରୁାନାହିଁ । ଫଳରେ ଗରମରେ ଆଉଟୁ ପାଉଟୁ ହେଉଛନ୍ତି ଲୋକେ । କଟକ ସଦର ବ୍ଲକ ବେଂଟକାର ଗାଁରୁ ଆସିଛି ଏଭଳି ଅଭିଯୋଗ । ଏଠାରେ ଅଘୋଷିତ ବିଜୁଳି କାଟ ଓ ଲୋ ଭୋଲଟେଜ ସମସ୍ୟା ବଢ଼ାଇଛି ଚିନ୍ତା । ତା ସାଙ୍ଗକୁ ନୂଆ ସ୍ମାର୍ଟ ମିଟର ଯୋଗୁଁ ବିଜୁଳି ବିଲ୍ ଅଧିକ ଆସୁଥିବା କହିଛନ୍ତି ଗ୍ରାମବାସୀ ।

ଖାଲି କଟକ ନୁହେଁ ଓଡ଼ିଶାର ଭାତହାଣ୍ଡି କୁହାଯାଉଥିବା ବରଗଡ଼ ଜିଲ୍ଲାରେ ମଧ୍ୟ ଦେଖିବାକୁ ମିଳିଛି ସମାନ ଚିତ୍ର । ଏଠାରେ ଉଠା ଜଳସେଚନ ଭରସାରେ ଚାଷ କାର୍ଯ୍ୟ ହେଉଥିବା ବେଳେ ଚାଷୀଙ୍କୁ ଲାଗିଛି ୪୪୦ ଭୋଲ୍ଟର ଝଟକା । ଲୋ ଭୋଟଟେଜ୍ ସମସ୍ୟା ପାଇଁ ହୋଇପାରୁନି ଜଳ ସେଚନ । ଫଳରେ ପାଣି ଅଭାବରୁ ଜିଲ୍ଲାର ପ୍ରାୟ ୩୦ ପ୍ରତିଶତ ଚାଷ ଜମି ଶୁଖିଲା ପଡ଼ିଥିବା ଅଭିଯୋଗ ହୋଇଛି । ବରଗଡ଼ ବ୍ଲକ ଏସ. ଡୁମେରପାଲି ଗାଁରେ ପ୍ରାୟ ୩୦୦ ଚାଷୀଙ୍କ ଗଭୀର ନଳକୂପରୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯାଇଛି । ଏନେଇ ଆନ୍ଦୋଳନ କରାଯାଇଥିଲେ ବି ଚାଷୀଙ୍କ ସମସ୍ୟାକୁ କର୍ଣ୍ଣପାତ କରୁନି ବିଜୁଳି ବିଭାଗ । ସେପଟେ ଖୁବଶୀଘ୍ର ସମସ୍ୟାର ସମାଧାନ ହେବ ବୋଲି କହିଛନ୍ତି ଉଠା ଜଳସେଚନ ବିଭାଗ ନିର୍ବାହୀ ଯନ୍ତ୍ରୀ ସୂର୍ଯ୍ୟ ନାରାୟଣ ତ୍ରିପାଠୀ । ବିଜୁଳି ବିଭ୍ରାଟ ପାଇଁ ସାଧାରଣ ଲୋକଙ୍କ ଠାରୁ ନେଇ ଚାଷୀଙ୍କୁ ସମସ୍ୟା ଭୋଗିବାକୁ ପଡୁଛି ।