ଓଡ଼ିଆର ସବୁଠୁ ପ୍ରିୟ ଓ ନିୟମିତ
ଖାଦ୍ୟ ହେଉଛି ପଖାଳ, ଯାହା ଖୁବ୍ ସ୍ବାସ୍ଥ୍ୟକର । ପଖାଳ ହଜମ ଶକ୍ତି ବୃଦ୍ଧି କରିଥାଏ । ଶରୀରକୁ
ସୁସ୍ଥ ରଖିବାରେ ସାହାଯ୍ୟ କରିଥାଏ । ଏଥିରେ ଥିବା ମିନେରାଲ, ଆଇରନ୍, କ୍ୟାଲସିଅମ୍, ପୋଟାସିଅମ୍
ଗୁଡିକ ମଧ୍ୟ ସ୍ବାସ୍ଥ୍ୟପକ୍ଷେ ଖୁବ ହିତକର । ଆପଣ ଜାଣି ଆଶ୍ଚର୍ଯ୍ୟ ହେବେ, ଗରମ ଭାତରେ ୩ ମିଲିଗ୍ରାମ
ଆଇରନ ମିଳୁଥିବା ବେଳେ ୮ରୁ ୧୦ଘଣ୍ଟା ତଳେ ପ୍ରସ୍ତୁତ ହୋଇ ରହିଥିବା ପଖାଳରେ ୨୦ ଗୁଣା ଅଧିକ ଆଇରନ
ମିଳିଥାଏ । ସେଇଭଳି କ୍ୟାଲସିଅମ ଓ ପଟାସିଅମର ମାତ୍ରା
ଅଧିକ ରହିଥାଏ । ଏଥିରେ ଥିବା ସର୍ଟ୍ ଚେନ୍ କାର୍ବୋନେଟ୍ ଗୁଡିକ ହଜମରେ ବହୁତ ସାହାଯ୍ୟ କରିଥାଏ ।
ତେଣୁ ଏହା ସହଜରେ ହଜମ ହୋଇଥାଏ । ଏଥିରେ ଥିବା ଫାଇବର ଝାଡା ସଫା କରିବାରେ ସାହାଯ୍ୟ କରିଥାଏ । ତେଣୁ
କୋଷ୍ଠକାଠିନ୍ୟ ଦୂର ହୋଇଥାଏ ।ଏଥିରେ ଥିବା ଇମ୍ୟୁନିଟୀ ଆଇଜିଏ ଲଙ୍ଗସ୍ର ଶକ୍ତି ମଧ୍ୟ ବୃଦ୍ଧି କରିଥାଏ
। ଏହା ସ୍ବାସ୍ଥ୍ୟ ପକ୍ଷେ ନିହାତି ଉପଯୋଗୀ । ପେଟରେ ଅଲସର, ଏସିଡିଟି ଥିବା ରୋଗୀଙ୍କ କ୍ଷେତ୍ରରେ
ଏହା ଖୁବ୍ ଉପକାରୀ ।
ଏଥିରେ ଅଧିକ ପାଣି ରହିଥିବା କାରଣରୁ
ଡି-ହାଇଡ୍ରେସନରୁ ମୁକ୍ତି ମିଳିଥାଏ । ଖରାଦିନେ ଥିବା ଜଳଶୁଷ୍କତାକୁ ପଖାଳ ଦୂର କରିଦେଇଥାଏ ।
ପଖାଳ ସହିତ ବିଭିନ୍ନ ବ୍ୟଞ୍ଜନ
ଯଥା- ମାଛ, ବଡିଚୁରା , ଶାଗ, ଭଜା ଖାଇଥାନ୍ତି ସମସ୍ତେ । ଯାହାକୁ କମ୍ପ୍ଲିଟ୍ ଫୁଡ଼୍ ବୋଲି କହିପାରିବା
।
କେବଳ ସେତିକି ନୁହେଁ, ଡାଇବେଟିଜ୍
ରୋଗୀଙ୍କ କ୍ଷେତ୍ରରେ ଏହା ମଧ୍ୟ ଖୁବ୍ ଉପକାରୀ । ଯେଉଁମାନଙ୍କର ମେଦବହୁଳତା ରହିଛି, ପଖାଳ ଖାଇବା
ଦ୍ବାରା ସେମାନେ ମଧ୍ୟ ଉପକୃତ ହୋଇପାରିବେ । ଶରୀରରେ ଥିବା ୫୦ରୁ ୬୦ ପ୍ରତିଶତ କ୍ୟାଲୋରୀକୁ ଏହା
କମାଇ ଦେଇଥାଏ । ଏଥିରେ ପ୍ରଚୁର ଭିଟାମିନ୍ ରହିଛି । ପଖାଳ ସହିତ ବିଭିନ୍ନ ବ୍ୟଞ୍ଜନ ଖାଇବା ସବୁବର୍ଗର
ଲୋକଙ୍କ ପାଇଁ ହିତକର ।
ପଖାଳରେ ରୋଗ ପ୍ରତିଷେଧକ ଶକ୍ତି
ରହିଛି । ଓଡ଼ିଆଟିଏ ଏଇ ପଖାଳକୁ ସବୁବେଳେ ନିଜର କରିନେଇଛି । ସାରା ବିଶ୍ବରେ ପଖାଳକୁ ପହଞ୍ଚାଇବାକୁ
ସମସ୍ତ ଓଡ଼ିଆ ଉଦ୍ୟମ ଜାରି ରଖିବା ଦରକାର ।
ତେଣୁ ଆମ ପଖାଳକୁ ବିଶ୍ବସ୍ତରରେ
ପ୍ରଚାର ପ୍ରସାର ପାଇଁ ସମସ୍ତେ ଉଦ୍ୟମ କରିବାକୁ ଆମେ ଅନୁରୋଧ କରୁଛୁ
0 Comments
Please do not enter any Spam Link in the comment Box ,