୧୧୨କୁ କଲ ଆସିଲା । ସଜାଗ ହୋଇଗଲା
ସାଲେପୁର ପୋଲିସ । ସିଲ କରିଦେଲା ବିଭିନ୍ନ ଛକ.. ପୁରା ସାଲେପୁର ଅଞ୍ଚଳକୁ । ଫିଲ୍ମ ଷ୍ଟାଇଲରେ ବାଇକ
ପଛରେ ଗୋଡାଇ ଗୋଡାଇ ଲୁଟେରାକୁ ଧରିବାରେ ସକ୍ଷମ ହେଲା ।
ସାଲେପୁର ଥାନା ନନ୍ଦୋଳଗଡା ଛକ
ନିକଟରେ ଦିନ ଦ୍ବିପ୍ରହରରେ ବନ୍ଧୁକ ଦେଖାଇ ୫୦ହଜାର ଟଙ୍କା ଛଡାଇନେଲେ ଲୁଟେରା । ଦୁଇଟି ବାଇକରେ
ଆସିଥିଲେ ୪ଜଣ । ଲୁଟ ପରେ ସ୍ଥାନୀୟ ଅଞ୍ଚଳର କେହି ଜଣେ ୧୧୨ ନମ୍ବରକୁ କଲ କରିଥିଲେ । ସାଲେପୁର ଥାନା
ପୋଲିସ ଫୋନ କଲ ପାଇ ହୋଇଗଲା ସଜାଗ ।
୧୧୨ରେ ଆସିଥିବା ଫୋନ କଲକୁ ନେଇ ବିଭିନ୍ନ ଥାନାକୁ ଆଲର୍ଟ କରିଦେଲେ ଥାନା
ଅଧିକାରୀ। ନଦୋଳଗଡା ସମେତ ଆଖପାଖ ଅଞ୍ଚଳ ସିଲକରି
ଆରମ୍ଭ ହୋଇଥିଲା କଡାକଡି ଚେକିଂ । କେନ୍ଦ୍ରାପଡ଼ା କେନାଲ କୋଲଣପୁର ନିକଟରେ ଚେକିଂ ଚାଲିଥିବା ସମୟରେ
ଲୁଟେରାମାନେ ବାଇକରେ ଦୃତଗତିରେ ଫେରାର ହେବାକୁ ଚେଷ୍ଟା
କରିଥିଲେ । ସେଇ ବାଇକ ପଛରେ ପୋଲିସ ଜିପ୍ ଗୋଡାଇଥିଲା । ଶେଷରେ ଫିଲ୍ମ ଷ୍ଟାଇଲରେ ଲୁଣା ନଦୀ ପଠାରେ
ଦୁଇଜଣ ଦୁର୍ବୁତ୍ତକୁ କାବୁ କରିବାରେ ସକ୍ଷମ ହେଲା ସାଲେପୁର ପୋଲିସ। ଲୁଟେରାକୁ କାବୁ କରିବା ସହ
୫୦ହଜାର ଟଙ୍କା, ବନ୍ଧୁକ ଓ ବାଇକ ଜବତ କରିଛି ପୋଲିସ । ସାଲେପୁର ପୋଲିସ ଦୁଇ ଲୁଟେରାଙ୍କୁ ଅଟକରଖି
ପଚରାଉଚରା ଜାରି ରଖିଛି ।
ସାଲେପୁର ପୋଲିସର ତୁରନ୍ତ କାର୍ଯ୍ୟାନୁଷ୍ଠାନ
ଓ ସାହସିକ କାର୍ଯ୍ୟ ପାଇଁ ସବୁଠି ପ୍ରଶଂସା ଶୁଣିବାକୁ ମିଳିଛି...
0 Comments
Please do not enter any Spam Link in the comment Box ,