In the country brewery Police Red || ଦେଶୀ ମଦ ଭାଟିରେ ପୋଲିସର ରେଡ୍

ବେଆଇନ ଚୋରି ଦେଶୀ ମଦ ଭାଟିଉପରେ ଚଢ଼ାଉ,  1200 ଲିଟର ଦେଶୀ ମଦ ଜବତ । ପୁରୀ ଜିଲ୍ଲା ସତ୍ୟବାଦୀ ପୋଲିସର ବଡ଼ ସଫଳତା।ଏ କୋଉ ଉପାନ୍ତ ଅଂଚଳ ନୁହେଁ ଖୋଦ ରାଜଧାନୀ ନିକଟ ସାକ୍ଷୀଗୋପାଳ ଷୋଳହଳ ଗାଁ ରେ ହେଉଥିଲା ବେଆଇନ ଦେଶୀ ମଦ ପ୍ରସ୍ତୁତି! ପୁରୀ ଅବକାରୀ ବିଭାଗକୁ ଖୋଲା ଚ୍ୟାଲେଞ୍ଜ ଦେଉଥିଲେ ମଦ ମାଫିଆ । ସେମାନଙ୍କୁ ଧରିବାରେ ଅବକାରୀ ବିଭାଗ ଫେଲ ମାରିଥିବା ବେଳେ ଅନେକ ମଦବେପାରୀଙ୍କୁ ସତ୍ୟବାଦୀ ପୋଲିସ କାବୁ କରିଛି  । 

ବିଶେଷ ସୂତ୍ରରୁ ଷୋଳହଳ ଗାଁର  କେନାଲ ପଠାରେ ଦେଶୀ ମଦ ରନ୍ଧାହୋଇ ବିକ୍ରି ହେଉଥିବାର ଖବର ପାଇ IIC ଙ୍କ ନେତୃତ୍ବରେ ପୋଲିସ ସଦଳେବଳେ ଚଢ଼ାଉ କରିବାରେ ମଦବେପାରୀ ପୋଲିସକୁ ଦେଖି ଘଟଣାସ୍ଥଳରୁ ଫେରାର ହୋଇଯାଇଥିଲେ । ତେବେ ଘଟଣାସ୍ଥଳରୁ ବିପୁଳ ପରିମାଣର ମଦ ତିଆରି ପାଇଁ ପ୍ଲାଷ୍ଟିକ ଜାର୍କିନରେ ଗଚ୍ଛିତ ଥିବା ପୋଚ ଜବତ କରିଛି ପୋଲିସ । 

 ଏଥି ସହିତ ମଦ ପ୍ରସ୍ତୁତିରେ ବ୍ୟବହୃତ ୟୁରିଆ ସାର, ଗୁଡ, ଏବଂ ବଡ ବଡ ହାଣ୍ଡି ଇତ୍ୟାଦି ଜବତ ହୋଇଛି । ଜବତ ପୋଚକୁ ଘଟଣାସ୍ଥଳରେ ନଷ୍ଟ କରିଦିଆଯାଇଛି । ଏଇ ଘଟଣାରେ ସମ୍ପୃକ୍ତ ସମସ୍ତଙ୍କ ବିରୁଦ୍ଧରେ ମାମଲା ରୁଜୁ ହୋଇଛି ବୋଲି ସତ୍ୟବାଦୀ ଥାନା ଅଧିକାରୀ ସୂଚନା ଦେଇଛନ୍ତି ।