Cold winter in Lamtaput || ଲମତାପୁଟରେ ହାଡ଼ଭଙ୍ଗା ଶୀତ

gitanjali-news.blogspot.com January 03, 2024

ଲମତାପୁଟରେ ହାଡ଼ଭଙ୍ଗା ଶୀତ । କୋରାପୁଟର କାଶ୍ମୀର କୁହାଯାଉଥିବା ଲମତାପୁଟରେ 7 ଡିଗ୍ରୀ ତଳକୁ ରହୁଛି ପାରଦ l 10 ଦିନ ହେଲାଣି ଲମତାପୁଟ ଅଞ୍ଚଳରେ ଶୀତର ପ୍ରକୋପ ଦେଖିବାକୁ ମିଳୁଛି l ସନ୍ଧ୍ୟା 7 ଟା ବେଳକୁ ରାସ୍ତା ଘାଟ ଶୁନଶାନ ହୋଇପଡୁଛି । ଅନ୍ୟପକ୍ଷରେ ଶୀତର ମଜାନେବା ପାଇଁ ଡୁଡୁମା ଜଳ ପ୍ରପାତରେ ପର୍ଯ୍ୟଟକଙ୍କ ଭାରି ଭିଡ଼ ଜମୁଛି l ଦିନରେ 15 ରୁ 20 ଡିଗ୍ରୀ ତାପମାତ୍ରା ରହୁଥିବା ବେଳେ ରାତିରେ 6 ଡିଗ୍ରୀ କୁ ତାପମାତ୍ରା ଖସିଛି l ଶୀତ ସହ ଘନ କୁହୁଡି ସାରା ଅଞ୍ଚଳକୁ ଢାଙ୍କି ରଖିଛି l ଦିନ11 ଟା ପର୍ଯ୍ୟନ୍ତ କୁହୁଡି ଛାଡୁ ନଥିବା ବେଳେ ଗାଡି ମଟର ଯାତାୟତରେ ନାନା ଅସୁବିଧାର ସମ୍ମୁଖୀନ ହେଉଛନ୍ତି ଗାଡିଚାଳକ । ବିଭିନ୍ନ ସ୍ଥାନରେ ଶୀତରୁ ମୁକ୍ତି ପାଇଁ ନିଆଁ ପୋଉଁଥିବା ଦେଖିବାକୁ ମିଳିଛି । ସକାଳୁ ସକାଳୁ ଚାହା ଦୋକାନର ଭିଡ଼ ଶୀତର ଉପସ୍ଥିତିକୁ ଜଣାଇଦେଉଛି ।ବିଭିନ୍ନ ଖେଳପଡିଆରେ ବ୍ୟାୟାମ କରି ଦେହରୁ ଶୀତ ଛଡାଉଛନ୍ତି ଅଞ୍ଚଳ ବାସୀ l ଆଗକୁ ଆହୁରି ବଢ଼ିପାରେ ଶୀତର ପ୍ରକୋପ l