ଏଠି ପୋଲିସ
ଚୋରକୁ ଧରିବ କଣ ନିଜେ ପୋଲିସ ଚୋରଙ୍କ ସହିତ ମିଶି କରୁଛନ୍ତି ଚୋରି । କଥାଟା ଟିକେ ଆପଣଙ୍କୁ ଅଲଗା
ଲାଗିପାରେ କିନ୍ତୁ ଏମିତି ହିଁ ଘଟିଛି । ଖାଲି ଚୋରି ନୁହେଁ ତା ସହିତ ଧମକଚମକ ଆଉ ନାଲି ଆଖି ବି
ଦେଖାଉଥିଲେ ।
ମୋବାଇଲ ଛଡାଇ ଦୁଇ ପୋଲିସ କର୍ମୀ
ସମେତ ୫ ଜଣ ଗିରଫ ହୋଇଛନ୍ତି । ମୋବାଇଲ ଛଡାଇ ତଥା ଟଙ୍କା ଲୁଟ ଅଭିଯୋଗରେ ଗିରଫ ହେଲେ ପୋଲିସ
କର୍ମଚାରୀ । ଦୁଇ ଜଣ ପୋଲିସ କର୍ମଚାରୀଙ୍କୁ ଅଇଁଠାପାଲି ପୋଲିସ ଗିରଫ କରି କୋର୍ଟ ଚାଲାଣ
କରାଯାଇଛି । ଗିରଫ ଅଭିଯୁକ୍ତମାନେ ହେଲେ ଗୌତମ କାଲୁ, ସତ୍ୟନାରାୟଣ ପଶାୟତ, ବିଜୟ ପରୁଆ ଓ
ବରେଇପାଲି ଥାନାର କନଷ୍ଟେବଲ ସଚିନ୍ଦ୍ର ପୃଷେଠ୍ ଓ ଓଏପିଏଫ ଯବାନ ମୂରଲୀ ବେହେରା ବୋଲି
ଜଣାପଡିଛି ।
ସୂଚନା ଅନୁସାରେ ଅଇଁଠାପାଲି ଥାନା
ପାଂଚଗୋଛିଆ ନିକଟରେ ସାହାବ ଉଦ୍ଦିନ ଖାନଙ୍କର ଏକ ପାନ ଦୋକାନ ରହିଛି । ତେବେ ଏହି ପାନ ଦୋକାନରେ
ବସିଥିବା ସମୟରେ ବୁଧବାର ଅପରାହ୍ନ ସମୟରେ କିଛି ଯୁବକ ପହଂଚି ଗାଳି ଗୁଲଜ କରିବା ସହ ଜିନିଷ
ପତ୍ର ଭଙ୍ଗାରୁଜା କରିଥିଲେ । ସେଥିରେ ପୋଲିସ କର୍ମଚାରୀ ମଧ୍ୟ ସାମିଲ ରହିଥିବା ଅଭିଯୋଗ
ହୋଇଥିଲା ।
ତେବେ ଝଗଡାର ଫାଇଦା ଉଠାଇ ଦୁଇ ପୋଲିସ
କର୍ମଚାରୀ ମୋବାଇଲ ନେଇଯାଇଥିବା ଅଭିଯୋଗ ହୋଇଥିଲା । ଅନ୍ୟ ୩ ଜଣ ଅଭିଯୁକ୍ତଙ୍କ ସହ ଦୁଇ ପୋଲିସ
କର୍ମଚାରୀଙ୍କୁ ମଧ୍ୟ ପୋଲିସ ଗିରଫ କରି କୋର୍ଟ ଚଲାଣ କରିଛି । ଆପଣ କଣ କହିବେ ଏ ଘଟଣାରେ ଯଦି
ପୋଲିସ ଏମିତି କାମ କରିବ ତାହେଲେ ସାଧାରଣ ଲୋକ କେମିତି ସୁରକ୍ଷା ପାଇବେ ।
0 Comments
Please do not enter any Spam Link in the comment Box ,