ପୁରୀ
ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଜାନୁଆରୀ ୧୭ରେ ଲୋକାର୍ପିତ ହେବ । ଶ୍ରୀମନ୍ଦିର ପରିକ୍ରମାର
ଲୋକାର୍ପଣ ସମ୍ପର୍କିତ ନିମନ୍ତ୍ରଣ ପତ୍ର ମହାପ୍ରଭୁଙ୍କୁ ଆଜି ଅର୍ପଣ କରାଗଲା । ଶ୍ରୀମନ୍ଦିର
ପ୍ରଶାସନ କାର୍ଯ୍ୟାଳୟରୁ ନିମନ୍ତ୍ରଣ ପତ୍ର ପାଟ ପଟୁଆରରେ ବାହାରି ଶ୍ରୀମନ୍ଦିର ଯାଇଥିଲା।
ମହାପ୍ରଭୁଙ୍କ ପରେ ପ୍ରଭୁ ନୃସିଂହ,
ମାଆ ବିମଳା,ମାଆ ମଙ୍ଗଳା ଓ ଶେଷରେ ପଞ୍ଚୁ ପାଣ୍ଡବଙ୍କୁ ନିମନ୍ତ୍ରଣ ହୋଇଥିଲା । ମୁଖ୍ୟମନ୍ତ୍ରୀ
ନବୀନ ପଟ୍ଟନାୟକଙ୍କୁ ନିମନ୍ତ୍ରଣ ୨୪ ରେ ହେବ । ଏହାପରେ ରାଜ୍ୟ ଭିତରେ ଓ ରାଜ୍ୟ ବାହାରେ ପ୍ରାୟ
୧୦୦ ମନ୍ଦିରକୁ ନିମନ୍ତ୍ରଣ ପତ୍ର ଯିବ । ରାଜ୍ୟର
ସମସ୍ତ ଜଗନ୍ନାଥ ମନ୍ଦିର, ପ୍ରସିଦ୍ଧ ମନ୍ଦିର, ଚାରି ଧାମ, ଚାରି ଶଂକରାଚାର୍ଯ୍ଯଙ୍କୁ
ନିମନ୍ତ୍ରଣ କରାଯିବ। ନିମନ୍ତ୍ରଣ ପତ୍ର ସହିତ ଏକ ସ୍ୱତନ୍ତ୍ର କିଟ୍ ଦିଆଯିବ।
ଏଥିରେ
ପରିକ୍ରମା ପ୍ରକଳ୍ପ କଣ, ଭକ୍ତ ଓ ଦର୍ଶନାର୍ଥୀମାନେ କି ସୁବିଧା ପାଇବେ ସେ ସମ୍ପର୍କରେ ଅବଗତ
ହୋଇ ପାରିବେ। ଆସନ୍ତାକାଲି ଠାରୁ ନିମନ୍ତ୍ରଣ ପତ୍ର ବାଣ୍ଟିବା ଆରମ୍ଭ ହେବ । ଏଥିପାଇଁ
ଜିଲ୍ଲାୱାରୀ ଏକ ତାଲିକା ପ୍ରସ୍ତୁତ ହୋଇଛି।
0 Comments
Please do not enter any Spam Link in the comment Box ,