ସ୍ଵାଭାବିକ ବର୍ଷାରେ ଚଳିତ ବର୍ଷର ଚାରିମାସିଆ
ମୌସୁମୀ ଋତୁର ଆଜି ଅନ୍ତ ଘଟିଛି। ଏହି ଚାରି ମାସରେ ପୂରା ଦେଶରେ ସର୍ବମୋଟ ୮୨୦ ମିମି ବର୍ଷା
(ସ୍ଵାଭାବିକ ବର୍ଷା ୮୬୮.୬ ମିମିଠାରୁ ଅଳ୍ପ କମ୍
) ରେକର୍ଡ ହୋଇଛି ବୋଲି ଭାରତୀୟ ପାଣିପାଗ ବିଭାଗ (ଆଇଏମ୍ଡି) ସୂଚନା ଦେଇଛି। ଏଥିସହ
ମୌସୁମୀ ଫେରିବା ପ୍ରକ୍ରିୟା ଆରମ୍ଭ ହୋଇଛି। ହେଲେ ପାଣିପାଗ ବିଜ୍ଞାନୀ ଯେଉଁ ଆତଙ୍କଜନକ
ଚିତ୍ର ରଖିଛନ୍ତି, ତାହା ହେଲା- ଅକ୍ଟୋବର ମାସରେ କମ୍ ବର୍ଷା ହେବ, ସ୍ବାଭାବିକଠାରୁ
ଅଧିକ ତାପମାତ୍ରା ରହିପାରେ। ଆଜି ଏଠାରେ ଏକ ସାମ୍ବାଦିକ ସମ୍ମିଳନୀରେ ଆଇଏମ୍ଡି
ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି, ୨୦୨୩ ମୌସୁମୀ
ଋତୁରେ ଏଲ୍ନିନୋ ସତ୍ୱେ କେତେକ ଅନୁକୂଳ କାରକ ଯୋଗୁ ୯୪.୪% ବର୍ଷା ହୋଇପାରିଛି, ଯାହା ସ୍ଵାଭାବିକ ନ ହେଲେ ବି ତା’ର ପାଖାପାଖି। ମୌସୁମୀ ପୂର୍ବରୁ ଏବର୍ଷ ସ୍ଵାଭାବିକ ବର୍ଷା ହେବ ନାହିଁ ଓ କମ୍ ବର୍ଷା ହେବ ବୋଲି ପାଣିପାଗ ବିଭାଗ
ପୂର୍ବାନୁମାନ କରିଥିଲା। ଦକ୍ଷିଣ-ପଶ୍ଚିମ ମୌସୁମୀର ଉତ୍ତରାର୍ଦ୍ଧକୁ ଏଲ୍ନିନୋ (ସାମୁଦ୍ରିକ
ଉଷ୍ମ ସ୍ରୋତ ଯାହାର ପ୍ରଭାବରେ ବର୍ଷା କମ୍ ହୋଇଥାଏ ଓ ପାଗ ଶୁଖିଲା ରହେ) ପ୍ରଭାବ ପକାଇବ
ବୋଲି ପାଣିପାଗ ବିଭାଗ କହିଥିଲା।
0 Comments
Please do not enter any Spam Link in the comment Box ,