Scenery of a tiger walking in the forest of Chheip ଚଢେଇପଙ୍କ ଜଙ୍ଗଲରେ ଏକ ବାଘ ବୁଲୁଥିବା ଦୃଶ୍ୟ

 

ମୋବାଇଲ କ୍ୟାମେରାରେ କଏଦ ହୋଇଛି ବାଘ ବୁଲୁଥିବାର ଦୃଶ୍ୟ । ବିଲ ହୁଡାରୁ ଜଙ୍ଗଲ ଆଡକୁ ଯାଉଛି ବାଘଟିଏ । ଏଇ ହେଉଛି ସୁବର୍ଣ୍ଣପୁର ଉଲୁଣ୍ଡା ରେଞ୍ଜ ଚଢେଇପଙ୍କ ଜଙ୍ଗଲରେ ଏକ ବାଘ ବୁଲୁଥିବା ଦୃଶ୍ୟ । ବାଘକୁ ଦେଖିବା ପରେ ସ୍ଥାନୀୟ ଅଞ୍ଚଳରେ ବାଘ ଆତଙ୍କ ସୃଷ୍ଟି ହୋଇଛି । ରବିବାର ସକାଳେ ଚଡେଇପଙ୍କ ମହାନଦୀ ଘାଟ ଜଙ୍ଗଲରେ ବାଘଟି ବୁଲୁଥିବା ଲୋକେ ଦେଖି ମୋବାଇଲରେ ଭିଡିଓ କରିଥିଲେ । ଏହା ପରେ ବନ ବିଭାଗକୁ ଖବର ଦେଇଥିଲେ। ଏବେ ଖରିଫ ଋତୁରେ ଧାନ ଚାଷ ଚାଲିଥିବାରୁ ସକାଳୁ ଲୋକେ କ୍ଷେତକୁ ଯାଉଛନ୍ତି । ଚାଷ ଜମି ଜଙ୍ଗଲକୁ ଲାଗିରହିଥିବାରୁ ଭୟଭୀତ ଅବସ୍ଥାରେ ଅଛନ୍ତି । ଲୋକେ କହିଛନ୍ତି ପୂର୍ବରୁ ଏହି ଅଞ୍ଚଳରେ କେହି କେବେ ବାଘ ଦେଖିନଥିଲେ । ଏଥିପାଇଁ ଲୋକଙ୍କ ମଧ୍ୟରେ  ବାଘ ସଂପର୍କରେ ଜାଣିବା ପାଇଁ ପ୍ରବଳ ଆଗ୍ରହ ଦେଖାଦେଇଛି  ।

ବନ ବିଭାଗ କେତେକ ସ୍ଥାନରେ ବାଘର ପାଦ ଚିହ୍ନ ଦେଖିବାକୁ ପାଇଛି। ବାଘଟି ନିର୍ଦ୍ଦିଷ୍ଠ କେଉଁ ସ୍ଥାନରେ ରହିଛି ତାକୁ ଠାବ ପାଇଁ ଉଲୁଣ୍ଡା ରେଞ୍ଜ ବନବିଭାଗର ଏକ ସ୍ବତନ୍ତ୍ର ଦଳ ଲାଗିଛନ୍ତି । ବାଘ ଦେଖାଦେଇଥିବା ଅଞ୍ଚଳ ପରଠାରୁ ରେଢାଖୋଳ ସଂରକ୍ଷିତ  ଜଙ୍ଗଲ ଥିବାରୁ ଏହି ଜଙ୍ଗଲ ମଧ୍ୟକୁ ବାଘଟି  ଚାଲିଯାଇଥିବା ଅନୁମାନ କରାଯାଉଛି । ତେବେ ଏହା ଏକ କଲରାପତରିଆ କି ମହାବଳ ତାହା ବନ ବିଭାଗ ସ୍ପଷ୍ଟ କରିନାହିଁ ।