ଆଜି ରିଲିଜ ହୋଇଛି ଶାହରୁଖ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ଜବାନ । ଏଥିପାଇଁ ପ୍ରାୟ ସମସ୍ତ ହଲ୍ ରହିଛି ହାଉସଫୁଲ । କିଙ୍ଗଖାନ୍ଙ୍କ ପ୍ରଂଶସକ ଠାରୁ ଆରମ୍ଭ କରି ସିନେପ୍ରେମୀ ଯାଏଁ ସମସ୍ତେ ‘ଜବାନ’କୁ ବଡପରଦାରେ ଦେଖିବାକୁ ଚାହିଁରହିଛନ୍ତି । ଏଥିପାଇଁ ଆଡଭାନ୍ସ ଟିକେଟ ବିକ୍ରିରେ ବି ରେକର୍ଡ କରିଛି ସିନେମା । ପ୍ରଥମ ଦିନ ପାଇଁ ଆଗୁଆ ସାଢେ ୭
ଲକ୍ଷ ଟିକେଟ୍ ବିକ୍ରି ସରିଥିବା ବେଳେ ପ୍ରାୟ ସମସ୍ତ ହଲ୍ ଗୁଡିକ ହାଉସଫୁଲ ରହିଛି ।
ଭୁବନେଶ୍ବର ସମେତ ସାରା ଦେଶରେ କ୍ରେଜି ଫ୍ୟାନ୍। ବଡ଼ ପରଦାରେ ଫିଲ୍ମ ଦେଖିବାକୁ ଅପେକ୍ଷା କରି ରହିଛନ୍ତି ସମସ୍ତେ। ହଲ୍ ଆଗରେ କେଉଁଠି ବିରାଟ ପୋଷ୍ଟର ଲାଗିଛି ତ
ପୁଣି କେଉଁଠି କିଙ୍ଗ ଖାନଙ୍କ କଟ ଆଉଟ ମନ ମୋହୁଛି। ଦମଦାର ଆକ୍ସନରେ ଭରପୁର ରହିଛି ଫିଲ୍ମ । ଏଟଲିଙ୍କ ନିର୍ଦ୍ଦେଶନାରେ ଜୱାନରେ ନୟନତାରା, ବିଜୟ ସେତୁପତି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଦୀପିକା ପାଦୁକୋନ୍ , ସାନ୍ୟା ମଲହୋତ୍ରା ଓ
ସୁନୀଲ ଗ୍ରୋଭର ବି ଗୁରୁତ୍ବ ପୂର୍ଣ୍ଣ ଭୂମିକାରେ ନଜର ଆସିବେ । ଫିଲ୍ମ ପାଇଁ ଆଗୁଆ ବିଭିନ୍ନ ହଲରେ ବୁକିଂ କରାଯାଇଛି। ସାରା ବିଶ୍ବରେ ଜବାନ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ ହେବ ।
0 Comments
Please do not enter any Spam Link in the comment Box ,