ରାଜଧାନୀରେ ଥମୁନି ଡେଙ୍ଗୁ ଆତଙ୍କ। ଭୁବନେଶ୍ୱରର ପ୍ରିୟଦର୍ଶିନୀ ମାର୍କେଟ ଡେଙ୍ଗୁର ହଟସ୍ପଟ ପାଲଟିବାକୁ ଯାଉଛି । ଗତ ୧୫ ଦିନରେ ୧୫ ଜଣ ବ୍ୟବସାୟୀ ଡେଙ୍ଗୁରେ ଆକ୍ରାନ୍ତ ହୋଇଥିବାବେଳେ ୨ ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏଥିପାଇଁ ବିଏମସି ଓ ବିଡ଼ିଏକୁ ସିଧାସଳଖ ଦାୟୀ କରିଛନ୍ତି ପ୍ରିୟଦର୍ଶିନୀ ମାର୍କେଟ ବ୍ୟବସାୟୀ ସଂଘର ସଭାପତି ଶରତ ରାଉତ ।
ବର୍ଷା ଦିନ ଆରମ୍ଭରୁ ମାର୍କେଟର ରାସ୍ତାକୁ ଯେଉଁଭଳି ଭାବେ ଖୋଳି ଦିଆଯାଇଛି, ପାଣି ଜମିବାରୁ ତାହା ଡେଙ୍ଗୁ ମଶାର ବଂଶବୃଦ୍ଧିର କାରଣ ପାଲଟିଛି ବୋଲି କହିଛନ୍ତି ବ୍ୟବସାୟୀ । କମ୍ପେ୍ଲକ୍ସରେ ପୂର୍ବରୁ ଥିବା ଶୈାଚାଳୟକୁ ନବୀକରଣ କରାଯିବ କହି ବିଏମସି ଏହାକୁ ଭାଙ୍ଗିଦେଇଛି । ନୂତନ ନିର୍ମାଣ ନ ହେବାରୁ ଏହା ଆବର୍ଜନାର ଗନ୍ତାଘର ପାଲଟିଥିବା ବ୍ୟବସାୟୀ ଅଭିଯୋଗ କରିଛନ୍ତି । ଏଥିପାଇଁ କେବଳ ବିଏମସିକୁ ଦୋଷ ଦେଲେ ହେବନାହିଁ । ନିଜ ଆଖପାଖକୁ ପରିଷ୍କାର ରଖିଲେ ଡେଙ୍ଗୁରୁ ରକ୍ଷା ପାଇବା।
0 Comments
Please do not enter any Spam Link in the comment Box ,