ଭାରତ
ଜି୨୦ ଶିଖର ସମ୍ମିଳନୀ ପାଇଁ ଜୋରସୋରରେ ପ୍ରସ୍ତୁତି କରୁଛି । ଆଗାମୀ ସେପ୍ଟେମ୍ବର ୯ ଏବଂ ୧୦
ତାରିଖରେ ଆୟୋଜିତ ହେବାକୁ ଥିବା ଜି୨୦ ଶିଖର ସମ୍ମିଳନୀରେ ଭାରତ ଛଡା ଅନ୍ୟ ଦେଶର ରାଜନୈତିକ,
ସାଂସ୍କୃତିକ ଏବଂ ବ୍ୟାପାର ପ୍ରତିନିଧିମଣ୍ଡଳୀ ଯୋଗ ଦେବେ । ସେପ୍ଟେମ୍ବର ପ୍ରଥମ ସପ୍ତାହରୁ
ମଧ୍ୟ ଏବଂ ଦକ୍ଷିଣ ଦିଲ୍ଲୀର ସମସ୍ତ ହୋଟେଲ ବୁକ୍ ହୋଇସାରିଛି । ଦିଲ୍ଲୀର ବିମାନବନ୍ଦରରେ ଜି୨୦
ଶିଖର ସମ୍ମିଳନୀ ପାଇଁ ପାଖାପାଖି ୫୦ରୁ ଅଧିକ ବିମାନ ଅବତରଣ କରିବ ।
ଦିଲ୍ଲୀର ଆଇଟିସି ମୋର୍ଯ୍ୟା ହୋଟେଲର ୪୦୦ ରୁମ୍ ବୁକ୍ ହୋଇଛି ଆମେରିକା
ରାଷ୍ଟ୍ରପତିଙ୍କ ସ୍ୱାଗତ ପାଇଁ । ହୋଟେଲର ମହଲନୁମା ଗ୍ରାଣ୍ଡ ପ୍ରେସିଡେଣ୍ଟାଲ ସ୍ୱିଟରେ
ଆମେରିକା ରାଷ୍ଟ୍ରପତି ଜୋ ବାଇଡେନ ରହିବେ । ଅନ୍ୟ ରୁମରେ ତାଙ୍କ ସହିତ ଆସିଥିବା ସମସ୍ତ
ଅଧିକାରୀ ରହିବେ । ରାଷ୍ଟ୍ରପତିଙ୍କ ସୁରକ୍ଷଶ ପାଇଁ ସମସ୍ତ ପ୍ରକାର ବ୍ୟବସ୍ଥା ହୋଇଛି ।
ହାଇସ୍ପିଡ ଲିଫ୍ଟ, ଡ୍ରଇଂ ରୁମ୍, ପାର୍କିଂ ରାସ୍ତା ଇତ୍ୟାଦି ବ୍ୟବସ୍ଥା କରାଯାଇଛି ।
ଚୀନ ରାଷ୍ଟ୍ରପତି ସି ଜିନପିଙ୍ଗ ପାଇଁ ତାଜ ବୁକ୍ ହୋଇଛି । ଅନ୍ୟ
ରୁମରେ ତାଙ୍କ ସହଯୋଗୀ ରହିବେ । ଏହି ହୋଟେଲରେ ଚୀନ ବ୍ୟତୀତ ୟୁଏଇ ଏବଂ ବ୍ରାଜିଲର ଅତିଥି ରହିବେ
।ଦିଲ୍ଲୀର ହୋଟେଲ କ୍ଲେରିଜସରେ ଫ୍ରାନ୍ସ ରାଷ୍ଟ୍ରପତିଙ୍କ ପାଇଁ ବୁକ୍ ହୋଇଛି । ଏହି ହୋଟେଲରେ
ଫ୍ରାନ୍ସର ରାଷ୍ଟ୍ରପତି ଏବଂ ତାଙ୍କ ସହଯୋଗୀ ରହିବେ । ହୋଟେଲ ଇମ୍ପେରିଆଲରେ ଅଷ୍ଟ୍ରେଲିଆ
ପ୍ରଧାନମନ୍ତ୍ରୀ ରହିବେ । ହୋଟେଲ ଶଙ୍ଗରୀ ଲାରେ ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ରହିବେ ।
ଏହାଛଡା ବୈଠକରେ ଗୃହ ମନ୍ତ୍ରଣାଳୟ, ଭାରତୀୟ ବାୟୁସେନା, ଦିଲ୍ଲୀ
ଇଣ୍ଟରନ୍ୟାସନାଲ ଏୟାରପୋର୍ଟ ଲିମିଟେଡ, ନାଗରିକ ଉଡ୍ଡୟନ ସୁରକ୍ଷା ବ୍ୟୁରୋ, ସିଆଇଏସଏଫ, ଆଇବି
ଇତ୍ୟାଦି ଯୋଗ ଦେବେ ।
0 Comments
Please do not enter any Spam Link in the comment Box ,