ହାତୀ ଆତଙ୍କ । ଝାଡ଼ଖଣ୍ଡ ରୁ ଆସିଥିବା
ଦୁଇଟି ଦନ୍ତା ହାତୀ ନୀଳଗିରି ବିଭିନ୍ନ ସ୍ଥାନରେ ବ୍ୟାପକ ଉପଦ୍ରଵ ଚଳାଇଛନ୍ତି। ଗତକାଲି ନୀଳଗିରି
ଏନଏସି ଅଧିନ ୩ ନମ୍ବର ୱାର୍ଡ଼ ଚତୁରିସାହି ଗ୍ରାମରେ ଦୁଇଟି ଦନ୍ତା ପଶି ଘର ଭାଙ୍ଗିବା ସହ
ଆତଙ୍କ ଚଳାଇ ଥିଲେ। ବିରେନ୍ଦ୍ର ସିଂଙ୍କ ଘର ଭାଙ୍ଗିବା ସହ ଭାତ ହାଣ୍ଡି, ଆସବାପତ୍ର ନଷ୍ଟ
କରିଛନ୍ତି।
ଘର ଭିତରେ ପରିବାର ଶୋଇଥିବା ବେଳେ ହାତୀ
ଆକ୍ରମଣରୁ ଅଳ୍ପକେ ବର୍ତ୍ତୀ ଯାଇଛନ୍ତି। ସେହିପରି କାହ୍ନୁ ସିଂ ଙ୍କ ବାଡ଼ ଭାଙ୍ଗି ଆସବାପତ୍ର
ନଷ୍ଟ କରିଛନ୍ତି। ମୋହନ ସିଂ ଙ୍କ ପରିବାର ମଧ୍ୟ ହାତୀ ଆକ୍ରମଣରୁ ଅଳ୍ପକେ ବର୍ତ୍ତି
ଯାଇଛନ୍ତି।ରାତି ସାରା ଗାଁଲୋକେ ଉଜାଗର ହୋଇ ହାତୀଙ୍କ ପାଖରୁ ପରିବାରଙ୍କୁ ସୁରକ୍ଷା ଦେବାରେ
ଲାଗି ପଡିଛନ୍ତି। ତେବେ ବନ ବିଭାଗ ଆସି ହାତୀ ଘଉଡ଼ାଇ ଥିବା ବେଳେ ଦୁଇଟି ହାତୀ କୁଳଡିହା
ଅଭୟାରଣ୍ୟ ସୀମାନ୍ତ ଜଙ୍ଗଲରେ ରହିଛନ୍ତି। ତେବେ କ୍ଷତିଗ୍ରସ୍ତ ପରିବାରଙ୍କୁ ସହାୟତା ପ୍ରଦାନ
କରିବାକୁ ଦାବି ହୋଇଛି।
0 Comments
Please do not enter any Spam Link in the comment Box ,