ନୂଆପଡା ରେ ଆତଙ୍କ ଖେଳାଉଛି କଲରାପତରିଆ ବାଘ । ଦିନେ ନୁହେଁ କି ମାସେ ନୂହେଁ ବର୍ଷ ବର୍ଷ ଧରି ଜିଲ୍ଲା ର ବିଭିର୍ନ୍ନ ଗାଁ ଅଞ୍ଚଳରେ ବାଘ ଦେଖା ଦେବା ସହ ଅନେକ ସମୟରେ ଧନ ଜୀବନ ନଷ୍ଟ କରୁଛି ।
କେତେବେଳେ ମଣିଷ ଶିକାର କରୁଛି ତ କେତେବେଳେ ଗୃହ ପାଳିତ ପଶୁ ମାରି ଖାଉଛି । ଦୁଇମାସ ହେବ ନୂଆପଡା ରେଞ୍ଜ ର ଆମାନାରା ବିଟ୍ ଅଞ୍ଚଳରେ ବାଘ ବୁଲୁଥିବା ବେଳେ ଗତକାଲି ସନ୍ଧ୍ୟାରେ କୁକୁଡାତାଲ ର ମୁଶରଙ୍ଗି ଜଙ୍ଗଲ ଉପରେ ଥିବା ଚଟାଣ ଉପରେ ବାଘ ବସିଥିବା ଲୋକେ ଦେଖିଥିଲେ । ବାଘ କେତେବେଳେ ଶୋଇବା ଅବସ୍ଥାରେ ରହିଥିଲା ତ କେତେବେଳେ ବସୁଥିଲା ଯାହାର ଚିତ୍ର ମୋବାଇଲ ରେ ସ୍ଥାନୀୟ ଲୋକେ ଉଠାଇଛନ୍ତି ।
ଖବର ପାଇ ବନ ବିଭାଗ କର୍ମଚାରୀ ଗାଁ ରେ ପହଞ୍ଚି ଲୋକଙ୍କୁ କେବଳ ସଚେତନ କରିଥିବା ବେଳେ ଠୋସ ପଦକ୍ଷେପ କିଛି ନେଇ ନାହିଁ । ତେବେ ଗାଁ ମୁଣ୍ଡରେ ଲାଇଟର ବ୍ୟବସ୍ଥା କରିବା ସହ ତାରବାଡ କରିବା ପାଇଁ ଲୋକେ ଦାବି କରିଛନ୍ତି ।
0 Comments
Please do not enter any Spam Link in the comment Box ,