ଚିଲିକା ଠାରେ ଅଖିଳ ଭାରତୀୟ ଏନ ସି ସି ନୌଚାଳନ ପ୍ରତିଯୋଗିତା ଶିବିର

ଚିଲିକା ଠାରେ ଅଖିଳ ଭାରତୀୟ ଏନ ସି ସି ନୌଚାଳନ ପ୍ରତିଯୋଗିତା ଶିବିର ଭାବେ ଚଳିତ ମାସ ୯ ତାରିଖରୁ ଆରମ୍ଭ ହୋଇ ଆଜି ଉଦଯାପିତ ହୋଇଯାଇଛି l ଏହି ଶିବିରରେ ଜାତୀୟ ସ୍ତରରେ ଥିବା ସମସ୍ତ ୧୭ଟି NCC ନିର୍ଦେଶାଳୟ ରୁ ସମୁଦାୟ ୧୦୨ ଜଣ ବାଳକ ଓ ବାଳିକା ଭାଗ ନେଇଥିଲେ l ଅନ୍ତର୍ଜାତୀୟ ସମସ୍ତ ନିୟମାବଳୀ କୁ ପାଳନ କରି ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ମରାଳ ମାଳିନୀ ନୀଲମ୍ବୁ ଚିଲିକା ର ଜଳରାଶି ରେ କାଳିଜାଇ ନିକଟରେ ସର୍ବମୋଟ ୩୦ ଟି ନୌକା ଦୌଡ଼ ପ୍ରତିଯୋଗିତା ହୋଇ ଉଭୟ ବାଳକ ଓ ବାଳିକା NCC କ୍ୟାଡେଟ ମାନଙ୍କ ମଧ୍ୟରୁ ସର୍ବୋତ୍ତମ ଚୟନ ହୋଇଥିଲା l ଏହି ପ୍ରତିଯୋଗିତାରେ ବାଳିକା NCC କ୍ୟାଡେଟ ବର୍ଗ ରେ ବିହାର ଓ ଝାଡ଼ଖଣ୍ଡ ନିର୍ଦେଶାଳୟ ପ୍ରଥମ ଓ ଓଡ଼ିଶା ନିର୍ଦେଶାଳୟ ଦ୍ୱିତୀୟ ସ୍ଥାନ ଅଧିଗ୍ରହଣ କରିଥିବା ବେଳେ ବାଳକ NCC କ୍ୟାଡେଟ ବର୍ଗରେ ଓଡ଼ିଶା ଓ ତାମିଲନାଡୁ ନିର୍ଦେଶାଳୟ ଯଥାକ୍ରମେ ପ୍ରଥମ ଓ ଦ୍ୱିତୀୟ ସ୍ଥାନ ଅଧିଗ୍ରହଣ କରିଥିଲେ l ଏହି ପ୍ରତିଯୋଗିତା ରେ ଓଡ଼ିଶାରୁ ବାଳକ ବର୍ଗ ରେ ସ୍ୱାଧୀନ ରଣା,  ଅଜୟ କିଷାନ ଓ ଅମୀୟ ରଞ୍ଜନ ନାୟକ ଓ ବାଳିକା ବର୍ଗରେ ଲିନାରାଣୀ ଅଙ୍ଗଦେଵ , ବି ଶାନ୍ତିଲତା ପତ୍ର ଓ ଅର୍ପିତା ବେହେରା ଅଂଶ ଗ୍ରହଣ କରିଥିଲେ l ଏହି ପ୍ରତିଯୋଗିତା ଓଡ଼ିଶା NCC ନିର୍ଦେଶାଳୟ ଆନୁକୂଲ୍ୟରେ ଭବାନୀ ପାଟଣା , ନାଭାଲ ୟୁନିଟ NCC ଦ୍ଵାରା ପରିଚାଳିତ ହୋଇଥିଲା l ସମ୍ବଲପୁର NCC ଗ୍ରୁପ କମାଣ୍ଡର କର୍ଣ୍ଣଲ ଅମିତାଭ ରୟ ଓ ଭବାନୀପାଟଣା ନାଭାଲ ୟୁନିଟ  NCC ର କମାଣ ଅଧିକାରି କମାଣ୍ଡର ସୁନୀଲ କୁମାର ବେହେରା ଙ୍କ ନେତୃତ୍ୱରେ ଏହି ଶିବିର ସୁଚାରୁ ରୂପେ ଅନୁଷ୍ଠିତ ହୋଇଯାଇଛି l ଉଦଯାପନି ଉତ୍ସବରେ ଓଡିଶା NCC ନିର୍ଦେଶାଳୟ ର ଉପ ନିର୍ଦ୍ଦେଶକ କମୋଡର ସୋମେନ ବାନାର୍ଜୀ ମୁଖ୍ୟ ଅତିଥି ଓ NCC ନିର୍ଦେଶାଳୟ ନୂଆଦିଲ୍ଲୀ ରୁ ବ୍ରିଗେଡିୟର ନିଶ୍ଚଳ ସୁଦ ସମାନନୀତ ଅତିଥି ଭାବେ ଯୋଗଦେଇ କୃତିତ୍ୟୁ ଅର୍ଜନ କରିଥିବା ସମସ୍ତ NCC ବାଳକ ଓ ବାଳିକା ମାନଙ୍କୁ ସଂମାନିତ କରି ଉତ୍ସାହ ବର୍ଦ୍ଧନ କରିଥିଲେ l ଏହି ପ୍ରତିଯୋଗିତାରେ ଓଡ଼ିଶା ଓ ତାମିଲନାଡୁ ନିର୍ଦେଶାଳୟ ଯୁଗ୍ମ ଭାବେ ପ୍ରଥମ ସ୍ଥାନ ଅଧିକାର କରିଥିବା ବେଳେ ପରବର୍ତ୍ତୀ ସ୍ଥାନରେ ମହାରାଷ୍ଟ୍ର ନିର୍ଦେଶାଳୟ ରହିଥିଲା ।