ଜଣେ ବ୍ୟକ୍ତିକୁ ଜାହ୍ନବୀ-ଖୁସି କରୁଥିଲେ ଡେଟ୍ !

ଷ୍ଟାରକିଡ୍‌ଙ୍କ ମଧ୍ୟରରେ ଜାହ୍ନବୀ କପୁର ଜଣେ ଲୋକପ୍ରିୟ ଅଭିନେତ୍ରୀ। ଏଭଳି ପରିସ୍ଥିତିରେ ତାଙ୍କ ଚଳଚ୍ଚିତ୍ର ବ୍ୟତୀତ ତାଙ୍କ ଲଭ୍‌ ଲାଇଫ୍‌ ବିଷୟରେ ଅନେକ କଳ୍ପନାଜଳ୍ପନା କରାଯାଉଛି। ଖୁବ୍ ଶୀଘ୍ର ଜାହ୍ନବୀଙ୍କ ଭଉଣୀ ଖୁସି କପୁର ମଧ୍ୟ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି। ସେ ଜୋୟା ଅଖତରଙ୍କ ପରବର୍ତ୍ତୀ ଚଳଚ୍ଚିତ୍ରରେ କାମ କରୁଛନ୍ତି। ନିକଟରେ ଖୁସୀଙ୍କ ବିଷୟରେ ଏଭଳି ଖବର ସାମ୍ନାକୁ ଆସିଥିଲା। ଯାହାକୁ ଶୁଣିଲା ପରେ ପ୍ରଶଂସକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । କୁହାଯାଉଛି କି ଜାହ୍ନବୀଙ୍କ ପୂର୍ବତନ ପ୍ରେମିକଙ୍କୁ ଖୁସି ଡେଟ କରୁଛନ୍ତି। ବର୍ତ୍ତମାନ ଜାହ୍ନବୀ ଏହି ଖବର ଉପରେ ମୁହଁ ଖୋଲିଛନ୍ତି।ଜାହ୍ନବୀଙ୍କ ନାମ ଅନେକ ଅଭିନେତାଙ୍କ ସହ ଜଡିତ ଅଛି । ନିକଟରେ ହୋଇଥିବା ଏକ ସାକ୍ଷାତକାରରେ ଜାହ୍ନବୀ ଖୁସିଙ୍କ ଡେଟିଂ ଜୀବନ ବିଷୟରେ କହିଥିଲେ। ଏହା ସହ ଜାହ୍ନବୀ କହିଛନ୍ତି ମୁଁ ମୋର ପିଲାଦିନର ବନ୍ଧୁ ଅକ୍ଷତ ରଂଜନଙ୍କୁ ଡେଟ କରୁଥିଲି । ତା’ପରେ ମୁଁ ତାଙ୍କ ସହ ବ୍ରେକଅପ୍ କରିଥିଲି। ବର୍ତ୍ତମାନ ଖୁସି ତାଙ୍କୁ ଡେଟ୍ କରୁଛନ୍ତି।କିନ୍ତୁ ପରେ ଜାହ୍ନବୀ ସ୍ପଷ୍ଟ କରି କହିଥିଲେ କି ତାଙ୍କ ଭଉଣୀ ଅକ୍ଷତଙ୍କୁ ଡେଟ କରୁ ନାହାଁନ୍ତି। ସେ ଆମର ଛୋଟ ବେଳୁ ସର୍ବୋତ୍ତମ ବନ୍ଧୁ ଥିଲେ। ଜାହ୍ନବୀଙ୍କ ଲଭ୍‌ ଲାଇଫ୍‌ ବିଷୟରେ ଖବର ଆସିଥିଲା କି ସେ ତାଙ୍କର ଜଣେ ବନ୍ଧୁ ଅରହାନ ଅବତାରମନିଙ୍କୁ ଡେଟ କରୁଛନ୍ତି। କିନ୍ତୁ ପରେ ଏହାକୁ ନେଇ ଜାହ୍ନବୀ ଅସ୍ୱୀକାର କରିଛନ୍ତି । କହିଛନ୍ତି ଯେ ସେ ଏପର୍ଯ୍ୟନ୍ତ ଅବିବାହିତ ଅଛନ୍ତି।